Манай компани нь хүний нөөцийн бодлогын хүрээнд ажлын туршлагатай, мэргэжлийн боловсон хүчин бүхий чадварлаг хамт олныг бүрдүүлэн ажилладаг бөгөөд, сургалт хөгжлийн бодлогын хүрээнд ажилчдыг тогтмол мэргэжил дээшлүүлэх, чадавхижуулах сургалтуудад хамруулахаас гадна шинэ залуу төгсөгчдийг ажлын байранд дадлагажуулан ажиллуулж тэргүүний ажилчдынхаа залгамж халааг бэлтгэж байна. Хүний нөөцийн чадавхийг бэхжүүлэх, ажиллах таатай орчин нөхцлийг бүрдүүлэх зорилгоор ажилтнуудын боловсрол, эрүүл мэнд, нийгмийн асуудал болон ажлын байрны аюулгүй байдал, эрүүл ахуйн асуудалд онцгойлон анхаарч ажилладаг. Манай компани одоогоор 40 гаруй ажилтантайгаар үйл ажиллагаа явуулж байна. Манай компанийн өрмийн мастерууд нь 7-38 жилийн ажлын туршлагатай, олон төрлийн ашигт малтмалын ордууд дээр өрөмдлөгийн ажил гүйцэтгэж байсан бөгөөд Монгол улсын Тэргүүний геологич, Монгол улсын Өрөмдлөгийн холбооны оны тэргүүний өрөмдөгч, Монгол улсын Өрөмдлөгийн холбооны оны шилдэг өрөмдөгч зэрэг цол тэмдэгээр шагнагдсан салбартаа тэргүүлэгч мэргэжилтнүүд юм. Мөн геологи хайгуул, өрөмдлөгийн салбарт олон жилийн туршлагатай жолооч, тогооч, туслах ажилчидтай мэргэжлийн баг хамт олон ажиллаж байна.